Ալեքսը տաղանդավոր կիբերհաքեր է, ով համարվում է ոլորտի
անգերազանցելի մասնագետ: Նա ապրում է շքեղ կյանքով, նշանված է ու պատրաստվում է
իր կյանքի ամենակարևոր օրվան՝ հարսանիքին:
Պատմությունը սկսվում է հարսանիքից երկու օր առաջ, երբ նա վերջին անգամ գործարքն
անելիս անսպասելի կալանավորվում է. եթե մեղքն ապացուցվի, նրան սպառնում է
տասնչորս տարի ազատազրկում:
Փաստաբանն ասում է, որ ոստիկանությունը Ալեքսի դեմ ոչ մի ապացույց չունի,
բացառապես վկայի, ով հանդիսանում է օֆիսի հավաքարարը:
Եթե վկան չխոսի, Ալեքսն ազատ կարձակվի… վկային լռեցնելու մի տարբերակ կա.
Համաձայն կալիֆոռնիայի օրենքի` ամուսիններն իրար դեմ չեն կարող ցուցմունք տալ: Դա է
Ալեքսի ազատության գինը: Սակայն այս ձևական ամուսնությունը դառնում է իրական մի
փորձություն, հատկապես երբ նա չի հրաժարվում սիրելիից՝ Սոնայից ու ամեն ինչ անում է,
որ նա իրականությունը չիմանա: Մի կողմից դատախազության աշխատակիցները, մյուս
կողմից՝ հարսնացուի ընտանիքը, նրան ուշի ուշով հետևում են, ու նա հայտնվում է
անընդհատ սրվող, զավեշտալի ու երբեմն՝ վտանգավոր իրավիճակներում, որոնք պահանջում
են հնարամտություն ու արագ լուծումներ։
«Վերջին վկան» ռոմանտիկ կինոկատակերգություն է՝ լի զավեշտալի իրավիճակներով ու
հետաքրքիր լուծումներով:

Դերերում՝
Վաչե  Ամարյան
Աննա Մանուչարյան
Ալեքսանդր Խաչատրյան
Լիլիթ Միհրանյան
Գևորգ Վարդանյան
Նարեկ Մելիքյան
Իվան Մովսիսյան
Չուկո
Գայանե Վարդանյան
Էմմա  Շաբոյան
Նուշիկ  Մարգարյան