ՏԱՔՍԻ ՏԱՔՍԻ

Սիթքոմի գլխավոր հերոսը՝ Հոպոն 45-ամյա փորձառու տաքսու վարորդ է, ով վերջին 3 տարիների ընթացքում ապրում է երկակի կյանք՝ ամուսնացած լինելով երկու տարբեր կանանց հետ։ Այս ամենը սկսվել է պատահաբար, երբ նա ծանոթացել է Անիի հետ։ Չկարողանալով ընտրություն կատարել՝ Հոպոն որոշել է ապրել երկու զուգահեռ կյանք։ Օրվա 12 ժամը Հոպոն աշխատում է որպես տաքսիստ, իսկ մյուս 12 ժամը՝ որպես առաքիչ։ Այս երկակի աշխատանքը նրան օգնում է ավելի հեշտ բացատրել իր բացակայությունները երկու ընտանիքներում։
Ամեն բան սակայն գլխիավայր շուռ է գալիս, երբ մի օր Հոպոն անսպասելիորեն խառնվում է փողոցային միջադեպի մեջ՝ պաշտպանելով տարեց մի կնոջ գողերից։
Հոպոն մշտապես հայտնվում է նոր խնդիրների ու զավեշտալի դրվագների մեջ: Հոպոյի միակ օգնականը՝ իր լավագույն ընկեր ու հարևան Ստյոպան է, ով անընդհատ ստիպված է օգնել նրան՝ խճճվելով նրա բազմաթիվ սուտ պատմությունների մեջ։ Մինչ Հոպոն փորձում է թաքցնել ճշմարտությունը՝ ստեղծելով նորանոր կոմիկական իրավիճակներ, երկու կանայք էլ սկսում են կասկածել ու ինքնուրույն հետաքննություն անցկացնել: Յուրաքանչյուր սերիա ներկայացնում է առանձին կատակերգական դեպքեր, որոնք հագեցած են բուռն ծիծաղով և զավեշտալի դրվագներով։
Պրոդյուսերներ՝ Դավիթ Թադեւոսյան, Բեն Ավետիսյան, բեմադրող օպերատոր՝ Միհրան Ստեփանյան,բեմադրող ռեժիսոր՝ Դավիթ Թադևոսյան
Դերասաններ՝ Դավիթ Թադևոսյան, Նարեկ Ներսիսյան, Աստղիկ Խաչատրյան, Էվելինա Էդուարդս, Արմինե Պողոսյան, Գրիշա Հակոբյան,
Արամ Մխիթարյան, Սերգեյ Մսրլյան։